

الفترة الأخيرة كل مستخدمين الواتس -آب جتهم الرسالة هذي ، فشن معناها وشن صاير؟
في الرسالة هذي الواتساب يبلغك أنه سياسة الخصوصية للتطبيق ثم تحديثها ويطلب منك الموافقة عليها قبل الإستمرار في إستخدام التطبيق. في التحديث الجديد لسياسة الخصوصية واتساب حتشارك بعض البيانات المتعلقة بيك مع الشركة الأم "فيسبوك" اللي استحودت على واتس آب في عام 2014 - وسيتم تطبيق السياسات الجديدة ابتداءاً من يوم 8 فبراير 2021 . لو موافقتش مش حتقدر تستخدم التطبيق ولكن مش حينحذف حسابك من الواتس آب.
السؤال توا شن هي البيانات الخاصة بيا الي تشاركها واتساب مع شركة فيسبوك ؟ وهل حيكون عندهم إطلاع على رسائلك ؟
الواتس مزال يحمي في خصوصية المحادثات ، والمكالمات ، والصور ،والفيديوهات ، والتسجيلات الصوتية , وصورتك الشخصية كل هذي المعلومات محمية ب التشفير التام بين الطرفي المتبع من قبل واتساب ، حيث يكون عندك انت و مستلم الرسالة فقط الرمز الخاص بفك تشفير الرسالة ، حتى من الواتس اب نفسهم مش حيقدرو يشوفو محتوى الرسالة لما تمر من خوادم الشركة لكونها توصل مشفرة ومعندهمش الرمز الخاص بفك التشفير ، كذلك واتساب ماتحتفطش بالرسائل في العادة ، حيث أنه سيتم ازالتها من خوادم الشركة أول ما يتم إستلام الرسالة من قبل الشخص المرسل اليه. وتحتفظ الشركة بالنسخة المشفرة من الرسائل لو لم يستلمها الطرف الثاني فتقعد 30 يوم في السيرفر وبعدها تمسح من خوادم الشركة. يعني محادثتك قاعدة بأمان وحسب تصريحاتهم ان مش ح يشاركوا المعلومات هذي ابداّ
واتس اب يسمحلها تخزن بيانات متعلقة بحسابك عندهم ، زي رقم هاتفك ، الإسم المستخدم ، جهات الاتصال الي قمت بمشاركتها ، بيانات الكوكيز وال الاي بي متاعك , اللغة , ومعلومات المتصفح وشبكة الإنترنت الي تستعمل فيه ونوع الجهاز المستخدم وغيرها من البيانات ذات العلاقة.
لو كان هكي باهي شن الي تغير؟
أول شي رسمياً ، مستخدمي تطبيق واتساب حيصبحوا عملاء لشركة فيسبوك ، كونها هي الشركة المالكة. واتساب كذلك حأضيف بعض الخدمات التجارية للمستخدمين الأفراد وكذلك أصحاب الأعمال زي مثلا تقدر تشري وتبيع منه ـ او تقدر تتواصل مع زبائنك عليه وتقدر ادير عمليات تحويل الأموال والبيع والشراء وكله بإستخدام الواتس.
مواضيع أخرى قد تهمك
-
2021/11/25خصوصية الناخبين عبر الرسائل البريديةتقوم المفوضية العليا للإنتخابات بإرسال رسائل بريدية تشارك فيها عناويين البريد للناخبين بشكل جماعي، وهو ما يعتبر انتهاك للخصوصية.
-
2021/11/21التمييز الرقميالتمييز في دولة معيّنة -زي التمييز الرقمي هنا في بلادنا ليبيا- يعني عدم المساواة بين مجموعات مختلفة من المناطق الجغرافيّة، أو المساكن، أو الناس اللي يعيشوا في مستويات اجتماعيّة واقتصاديّة مختلفة.
-
2021/01/03هل كلمة السر بروحها كافية ؟لما تبي تحافظ على شي ثمين ماتبيش ينخنب او تصيرله حاجة حتدير وسيلة حماية و"كلمة سر "هي واحدة من وسائل الحماية وهي سر يجب تذكره أو حمايته يعمل على الحد من الوصول إلى شيء ما